Ǵalamtorda ózin Ońtústik Qazaqstan oblysy boıynsha memlekettik kirister departamenti ekonomıkalyq tergeý qyzmetiniń aǵa tergeýshisimin dep tanystyrǵan qyzdyń sýpermarketten bir emes, úsh birdeı tis pastasyn urlaǵanyn moıyndap turǵan vıdeosy jarıalandy, - dep habarlaıdy «Qamshy» portaly.

Oqıǵa «Alma» dep atalatyn sýpermarket ishinde oryn alǵan. Vıdeodaǵy kóriniske qaraǵanda «uryny» saýda ornynyń kúzetshileri qylmys ústinde ustap alǵan sekildi.

Bul týraly QR Qarjy mınıstrligi Memlekettik kirister komıteti bergen túsiniktemeni Today.kz portaly jarıalady.

«Ókinigke oraı, osyndaı oqıǵa oryn aldy. Qazir qyzmettik tekseris júrip jatyr. Tekseris kezinde vıdeodaǵy azamattyń OQO boıynsha MKD ekonomıkalyq tergeý qyzmetiniń aǵa mamany – aǵa tergeýshisi ekeni anyqtaldy. Vıdeo 2016 jylǵy 6 aqpanda jazylǵan», - delingen ol túsiniktemede.

Alaıda, kiris komıtetindegiler atalǵan qyzmetkerdiń 2014 jyldyń jeltoqsanynan 2015 jyldyń qazanyna deıin OQO boıynsha MKD qyzmet etkenin, qazir oqý demalysynda ekenin aıtýda. Alaıda, qoldanystaǵy zańnamaǵa sáıkes, memlekettik qyzmetshi oqý demalysy kezinde sońǵy qyzmet ornynyń ókimdiginde bolatynyn eskertken.