N. Nazarbaev: Oryssha hatqa qazaqsha jaýap bergender jumystan qýylsyn!

Demeńiz buny aıtýǵa qysaǵan kim?

Kóńildi kirbeń basty, qusadan muń.

Til jaıly aıtqanyńyz aýyr tıdi,

Osyǵan ashıdy eken ishi adamnyń.

Halyqtyń tilin saqtap qalý úshin,

Handarym baryn qylǵan is-amaldyń.

Dinimizdiń dińgegi bosamaı ma,

Tilimiz tirkesinen jutaǵan kún.

Dat, taqsyr, osy jaıly aıtarym bar,

Aqyn em, aıbynyńnan kúsh alarmyn.

Abylaısha aqylmen shesher deımiz,

Buqarsha býryqanǵan buqarańmyn.

Qasıet sezingesin kıeli únnen,

Qaraǵa han qulaǵyn túre bilgen.

Halyqtan qadir qashar til joıylsa,

Balyqtan aıyrmam ne bul ómirden.

Bir ózim bas paıda úshin júrgemin joq,

Tiledim jurtym deıtin júregimmen.

Janashyr tabylmasa  qazaq qaıter,

Ana til aıyrylsa tiregimnen.

Bir kúni tóbemizde oınamaı ma,

Orys tili esigimnen kúle kirgen.

Bolǵasyn boıymdaǵy qazaq qany,

Ata din, ana tildi súıe bilgem.

Úısiz bolsam úıshikte kún keshermin,

Tilsiz qalaı ómirdi súremin men?!

Ár qazaq ana tilin ardaqtasyn,

Aqyryn jasap alar al basqasyn.

Sandaǵan zulmattardan aman keldik,

Tamyrly til úzilmeı jalǵasqasyn.

Sońynan el eredi úmitpenen,

Jolynan adaspaǵan han bastasyn.

Dárgeıińdegi eldiń daty osylaı,

Arhıvyn tarıhtyń shań baspasyn.

Zıalylar qorǵaǵan qazaq tilin,

Qasiret qazanynda qaınatpasyn.

Til jaıly jurttyń oıyn, ulttyń datyn,

Elbasy sanasynda salmaqtasyn!!!

Erlan Tóleýbaı