Feısbýk áleýmettik jelisinde Djamılá Ibraeva-Sergazy esimdi qoldanýshy Jambyl oblysy Býryl aýlyna áskerılerdiń kirý sáti túsirilgen vıdeony jarıalady, - dep habarlaıdy «Qamshy» portaly.

Vıdeoǵa «Kamaz» júk kólikterimen jáne birneshe avtobýspen aýylǵa kirip kele jatqan áskerı kolona túsirilgen. Túsirýshiler kólikterdiń memlekettik tirkeý nómirlerine qarap áskerılerdiń Shymkent qalasynan kelgenin aıtýda. Sondaı-aq, vıdeo avtorlary júk kóliginiń bortynda jol júrip kele jatqan sarbazdarǵa jandary ashıtynyn bildirgen.

«Sorly soldattar qatyp qalǵan shyǵar. Obal-aı!», - deıdi olar.

Eskertý: vıdeoda orys tilindegi beıpil sózge jaqyn tirkester qoldanylady.

Shymkent pen Taraz qalalarynyń arasy 179 shaqyrym ekenin, al, Býryl aýyly Tarazdan 15 shaqyrym jerde ornalasqan.

Esterińizge salsaq, 15 aqpan kúni Býryl aýlynda oryn alǵan bala óliminen soń turǵyndar narazylyq bildirip kóshege shyqqan bolatyn. Keshe İİM Q. Qasymov oqıǵanyń sheshim tapqanyn, áskerlerdiń keri qaıtatatynyn aıtqan edi.