Qazaqstandyq kásipqoı boksshy Gennadıı Golovkın men amerıkandyq boksshy Domınık Ýeıd dástúrli «kózben atysý» rásimin ótkizdi, - dep habarlaıdy «Qamshy» portaly Vesti.kz–ke silteme jasap.

Bul rásim Nú-Iorkte uıymdastyrylǵan baspasóz máslıhatynan soń ótken.

Golovkın men Ýeıdtiń 23 sáýir kúni kezdesetini buǵan deıin habarlanǵan bolatyn. Golovkın osy jekpe-jekte WBA tıtýlyn on altynshy ret, IBO tıtýlyn on úshinshi márte, al, WBC (Interim) tıtýlyn tórtinshi ret qorǵaıdy. Qazaqstan boksshysy osy kezdesýde sondaı-aq, IBF tıtýlyn da alǵash ret qorǵamaq. Ol kásibı rıngte 34 kezdesý ótkizip, onyń barlyǵynda jeńiske jetken, 31 kezdesýdi merziminen erte aıaqtaǵan. Al, qarsylasy Ýeıd – 18 kezdesý ótkizip, barlyǵyn jeńispen aıaqtaǵan boksshy. Onyń jeńis qorjynynda 12 nokaýt bar.