Jemqorlyq qylmystar jasady dep aıyptalyp,  jylǵa bas bostandyǵynan aırylǵan Qazaqstannyń eks-premeri Serik Ahmetovtyń appelásıalyq soty  naýryzda ótetin boldy. Bul týraly «Qamshy» portaly NUR.kz- ke silteme jasap habarlaıdy.

Sondaı-aq, apelásıalyq kollegıa otyrysy aldyńǵy sot otyrystary ótken arnaıy mamandandyrylǵan sot ǵımaratynda ótetini belgili bolyp otyr.

«Qaraǵandy oblystyq sotynyń zalyna sot prosesiniń barlyq qatysýshylary men jýrnalıser sımaıdy. Sondyqtan, appelásıalyq sot otyrysyn alǵashqy ınstansıadaǵy sot otyrystary ótken qylmystyq ister boıynsha arnaıy mamandandyrylǵan sot zalynda ótkizý týraly sheshim qabyldandy», - delingen sot habarlamasynda.

Alǵashqy sot ınstansıasynda Serik Ahmetov  múlkin tárkileı otyryp, 10 jylǵa, Qaraǵandy oblysynyń burynǵy ákimi Baýyrjan Ábdishev 5 jylǵa, Qaraǵandy qalasynyń ákimi Meıram Smaǵulov 3 jylǵa, Qaraǵandy qalalyq jer qatynastary bóliminiń bastyǵy Ernar Dáribekov 3 jylǵa, «Metýllýrgıa jáne metal óńdeý» óndiristik parkiniń burynǵy dırektory Anatolıı Esse 7 jylǵa, onyń orynbasary Orazaly Aımenbetov 3,5 jylǵa, Qaraǵandy qalasy ákiminiń burynǵy orynbasary Aıdar Telǵarın 4 jylǵa, «QazAgro» holdıńiniń burynǵy basqarma tóraǵasy Dýlat Aıtjanov 3 jylǵa bas bostandyǵynan aırylǵan bolatyn. Bulardan basqa da birqatar laýazymdy tulǵalarǵa shartty jaza qoldaný týraly úkim shyǵarylǵan edi.

Serik Ahmetovpen birge bas bostandyǵynan aırylǵan Qaraǵandy oblysynyń burynǵy ákimi Baýyrjan Ábdishev, Qaraǵandy qalasynyń ákimi Meıram Smaǵulov ta appelásıalyq shaǵym túsirgen bolatyn.