Búgin Astanadaǵy Ortalyq komýnıkasıalar qyzmetinde brıfıń ótkizgen Ońtústik Qazaqstan oblysynyń ákimi Beıbit Atamqulov tutqynǵdalǵan shymkenttik kásipker T. Tóleshov týraly pikir bildirdi, - dep habarlaıdy «Qamshy» portaly.

«Bul oqıǵanyń respýblıka deńgeıindegi emes, bizdiń óńir úshin ǵana shýly oqıǵa der edim. Bul máselege, árıne, quqyqqorǵaý organdary kóbirek toqtala jatar», - degen oblys basshysy kásipkerge tıesili syra zaýyty jumysshylarynyń eńbekaqy máselesin jiti nazarda ustap otyrǵandaryn aıtty.

«Kásiporyn jumys istep tur. Byltyrǵy jyly jeltoqsan aıyna deıin jumysshylaryna 27 mıllıon teńge qaryzdary bolǵan. Qazir bul soma azaıyp keledi. Osy kúnge deıin 10 mıllıon teńgesi tólengen. Bul jáne maýsymdyq másele. Qys aılarynda olardyń ónimderi qysqarady. Máseleni eńbek ınspeksıasy baqylap otyr», - dedi B. Atamqulov.