Ońtústik Qazaqstan oblysy Ordabasy aýdanynda joǵalǵan Muhammed Qamshybek tabyldy, - dep habarlaıdy «Qamshy» portaly OQO İİD baspasóz qyzmetine silteme jasap.

Búgin keshke taman ońtústiktik polıseıler urlanǵan balany Arys qalasynan tapqan. Onymen birge 1956 jyly týǵan, syrt kelbetin izdestirý kezinde jasalǵan fotorobotqa uqsaıtyn kelinshek bolǵan. Kúdikti ustalyp, tergelýde.

Muhammedtiń anasy Janna Aǵabekova balasynyń jaǵdaıy jaqsy ekenin, qazir ony Shymkentke alyp kele jatqanyn aıtady.

«Balamyz aman eken. Bizge ony ana áıelmen birge júrgen jerinen tabylǵanyn habarlaıdy», - deıdi J. Aǵabekova.

Esterińizge salsaq, 20 aqpan kúni Ordabasy aýdany Amangeldi aýlynan 6 jasar Mauhammed Qamshybek urlanǵan bolatyn.