Atyraý qalasynyń 29 jastaǵy turǵyny oblystyq sot aldyna kelip, ózin-ózi órtemek bolǵan, - dep habarlaıdy «Qamshy» portaly «Aq jaıyq» basylymyna silteme jasap.
Sýısıd jasaýdy oılaǵan azamat sot ǵımaratynyń aldyna ústine benzın quıyp alyp kelgen kórinedi. Týysymen turǵyn úı jáne jer ýchaskesine baılanysty sottasyp júrgen ol sot sheshimine narazylyq retinde ózine ot qoıǵan. Sottaǵylardyń aıtýynsha, ol úkim óz paıdasyna shyqqanymen, ótemaqy kólemine kelispegen kórinedi.
Osot qyzmetkerleri órtti der kezinde sóndirip, oqıǵa ornyna jedel-járlem shaqyrǵan. Qazir ol oblystyq aýrýhananyń №2 hırýrgıa bólimshesine jatqyzylǵan. Dárigerler «Moıyn jáne bilezik aýmaǵynyń 2,3-satyly kúıigi» degen dıagnoz qoıǵan.
Pikir qaldyrý