Almaty qalasynyń ákimi Baýyrjan Baıbek qala qurylysy keńesinde Ál-Farabı dańǵylynan joǵary ornalasqan ǵımarattar qandaı talaptarǵa saı bolýy kerektigin aıtyp berdi, - dep habarlaıdy «Qamshy» portaly tengrinews.kz-ke silteme jasap.

Baýyrjan Baıbek myrza qurylys nysandaryna qatysty jańa normalardy usynǵan. Ol Ál-Farabı dańǵylynan joǵary ornalasqan 6,5 myń gektar aýmaqqa bıiktigi 12 metrden, eni 15 metrden asatyn ǵımarattar salýǵa tyıym salý kerektigin aıtyp otyr. Sonymen qosa, ol ǵımarattar uzyndyǵy merıdıan syzyǵy boıynsha (ońtústikten soltústikke qaraı) turǵyzylýy kerek. Bul qalaǵa taý samalynyń erkin enýin qamtamasyz etý úshin qoıylyp otyrǵan talap eken.

Sondaı-aq, ákim bas dańǵyldan joǵary aımaqta Energy Green Home kompanıasy salyp jatqan turǵyn úı kesheniniń joǵarǵy eki qabatyn súrip tastaýdy talap etti. B. Baıbektiń aıtýynsha, bul bolashaqta basqalarǵa sabaq bolatyn kórinedi.