Ál-Farabı atyndaǵy QazUÝ-da «Jambyl aqyndyq murasy jáne jambyltanýdyń ózekti máseleleri» atty halyqaralyq ǵylymı-praktıkalyq konferensıa ótti. «Adamdyqty, erlikti, batyrlyqty, el birligin saqtaǵan tatýlyqty aıtqan» keleli jıyn ǵylym men bilimniń qasıetti qara shańyraǵynda Reseı, Grýzıa, Túrkıa, Qyrǵyz elderinen arnaıy kelgen ǵalymdardyń basyn qosty, - dep habarlaıdy «Qamshy» portaly.

HİH ǵasyrdyń sońǵy shıregi men HH ǵasyrdyń alǵashqy jartysyndaǵy halyqtyń rýhanı ómirinde Jambyldyń alar orny erekshe bolǵan. Ol alǵashynda el ómirin shynaıy jyrǵa qossa, soǵys jyldaryndaǵy otty óleńderimen jaýyngerlerdiń jigerin janydy. Tolaǵaı dastanshyldyǵymen qısapsyz qısashyldyǵy óz aldyna. Shoqtyǵy bıik taǵy bir óneri aıtystyń da alańyn qyzdyrǵandyǵy barshaǵa aıan.

Kóp qarǵa teń kelmeıdi bir suńqarǵa,

Kóp jylqy teń kelmeıdi bir tulparǵa.

Jaqsynyń árqashan da jóni bólek,

Jaman adam jaramas bir qymtarǵa, – degen eken  HH ǵasyrdyń gomeri atanǵan qazaqtyń uly aqyny Jambyl Jabaev. Jóni bólek jaqsynyń týǵanyna júz elý jyl tolýyn IýNESKO uıǵarymymen búkil álem mereıli merekege aınaldyrǵan bolatyn. Bıyl, mine, aqyndyq ónegesi urpaqqa úlgi uly jyraýdyń 170 jyldyǵy da halyqaralyq kólemde aıshyqty atalyp ótýde.

QazUÝ rektory Ǵalym Mutanov Jambyl muralarynyń QazUÝ-da zerttelýine erekshe nazar aýdardy: «Jambyl aqyndyq murasy jáne jambyltaný ózekti máseleleri QazUÝ ádebıetshi ǵalymdarynyń nazarynan eshqashan tys qalǵan emes. Akademık-jazýshy Muhtar Áýezovten bastalǵan bul dástúr keshegi Hanǵalı Súıinshálıev, Sultanǵalı Sadyrbaev, Alma Qyraýbaeva eńbekterinen jalǵasyn tapty. Búginde Janǵara Dádebaev, Múbárak Úmbetaev, Anarbaı Buldybaı t.b. ǵalymdar izgi izdenisterdi odan ári damytyp keledi».

Shota Rýstavelı atyndaǵy Grýzın ádebıeti ınstıtýtynyń dırektory Irma Ratıanı Shota Rýstavelı men Jambyl Jabaev shyǵarmalaryndaǵy sabaqtastyqty tilge tıek etti. Hİİ ǵasyrda ómir súrgen Grýzıanyń memleket qaıratkeri men qazaqtyń jyr alybynyń arasyn qanshama ýaqyt bólip jatyr, deı turǵanmen olardyń shyǵarmashylyǵyndaǵy úndestik eki el arasyndaǵy rýhanı jaqyndyqtyń belgisi. Sebebi, poezıa ýaqytqa baǵynbaıdy. «Jıyrmasynshy ǵasyrdyń ekinshi jartysynda Grýzıada qazaq ádebıetin oqý úlken dástúrge aınalǵan bolatyn. Ókinishke oraı, búgingi tańda bul proses sál aqsap qaldy. Men, Qazaqstanǵa Jambyldyń toıyna arnaıy keldim. Degenmen, meniń taǵy bir dittegen dıplomatıalyq mindetim bar. Ol Qazaqstan men Grýzıa arasynda bilim, ǵylym salasyndaǵy yntymaqtastyqty arttyrý», - dep atap ótti Shota Rýstavelı eliniń ókili.

Alqaly jıynda shet elden kelgen ǵalymdardan bólek, Á. Derbisáli, Ý.Q.Qalıjanov, A.T.Qojamqulov, J.Shashtaıuly, G.Qurmanbaı, N. Qapalbekuly sıaqty qazaqtyń birtýar azamattary súbeli baıandamalaryn oqydy.

Konferensıa aıasynda fılologıa jáne álem tilderi fakúltetinde «Jambyl atyndaǵy Qazaq fólklory men ádebıetin zertteý» ortalyǵy ashyldy. Sondaı-aq, ál-Farabı atyndaǵy QazUÝ-dyń Ǵylymı keńesiniń sheshimimen baspaǵa usynylǵan Jambyl Jabaevtyń 2 tomdyq tańdamaly shyǵarmalarynyń tusaýkeser rásimi ótti.

«Jambyl – álemdik ádebıettiń  altyn qorynda  máńgilikke  qalyp,  qazaq  degen uǵymmen  qatar  júretin  dárejede  óz shyǵarmalary  arqyly  kóterilip, bıikte  tur. Tek, bizder  urpaqtary  olardy – ulylarymyzdy sol bıikten kórsete bileıik, ózimiz usaqtalyp qalmaıyq», – dedi kitap murajaıynyń dırektory, jazýshy Naǵashybek Qapalbekuly.