Oralmandar men qonys aýdarýshylardy qonystandyrý úshin óńirlerdi aıqyndaý týraly Qazaqstan Respýblıkasy Úkimetiniń №83 qaýlysy bekitildi, - dep habarlaıdy «Qamshy» portaly.

Qaýlynyń tolyq mátinin nazarlaryńyzǵa usynamyz.  

Qazaqstan Respýblıkasy Úkimetiniń qaýlysy  №83 

Oralmandar men qonys aýdarýshylardy qonystandyrý úshin óńirlerdi aıqyndaý týraly

«Halyqtyń kóshi-qony týraly» 2011 jylǵy 22 shildedegi Qazaqstan Respýblıkasynyń Zańy 8-babynyń 5) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Mynalar:
1) osy qaýlyǵa 1-qosymshaǵa sáıkes oralmandardy qonystandyrý úshin óńirler;
2) osy qaýlyǵa 2-qosymshaǵa sáıkes qonys aýdarýshylardy qonystandyrý úshin óńirler aıqyndalsyn.
2. Mynalardyń kúshi joıyldy dep tanylsyn:
1) «Oralmandardy qonystandyrý úshin óńirlerdi aıqyndaý týraly» Qazaqstan Respýblıkasy Úkimetiniń 2014 jylǵy 20 naýryzdaǵy № 248 qaýlysy (Qazaqstan Respýblıkasynyń PÚAJ-y, 2014 j., № 22, 162-qujat);
2) «Oralmandardy qonystandyrý úshin óńirlerdi aıqyndaý týraly» Qazaqstan Respýblıkasy Úkimetiniń 2014 jylǵy 20 naýryzdaǵy № 248 qaýlysyna ózgeris engizý týraly» Qazaqstan Respýblıkasy Úkimetiniń 2014 jylǵy 8 shildedegi № 783 qaýlysy (Qazaqstan Respýblıkasynyń PÚAJ-y, 2014 j., № 45, 452-qujat).
3. Osy qaýly alǵashqy resmı jarıalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri K.MÁSİMOV.

Qazaqstan Respýblıkasy Úkimetiniń 2016 jylǵy 18 aqpandaǵy
№ 83 qaýlysyna 1-qosymsha
Oralmandardy qonystandyrý úshin óńirler
1. Aqmola oblysy.
2. Atyraý oblysy.
3. Shyǵys Qazaqstan oblysy.
4. Batys Qazaqstan oblysy.
5. Qostanaı oblysy.
6. Pavlodar oblysy.
7. Soltústik Qazaqstan oblysy.

Qazaqstan Respýblıkasy Úkimetiniń 2016 jylǵy 18 aqpandaǵy
№83 qaýlysyna 2-qosymsha
Qonys aýdarýshylardy qonystandyrý úshin óńirler
1. Shyǵys Qazaqstan oblysy.
2. Qostanaı oblysy.
3. Pavlodar oblysy.
4. Soltústik Qazaqstan oblysy.