Soǵystan qashyp, Qazaqstandaǵy týystarynda jan saýǵalaǵan sırıalyq otbasy Qaraǵandyda sáýirdiń ortasyna deıin qalatyn boldy, - dep habarlaıdy «Qamshy» portaly «Astana» arnasyna silteme jasap.

Jergilikti kóshi-qon polısıasy qaıyn jurtyn panalaǵan Iaser Alezaldın men onyń 5 balasyna qazaq jerinde ýaqytsha turaqtaý merzimin taǵy úsh aptaǵa sozǵan. Bul týraly "Astana" telearnasyna sırıalyq azamatqa turmysqa shyqqan Sandýǵash Raısovanyń ápkesi Almagúl Raısova aıtty.  Sırıalyq otbasy ózderiniń atys-shabystan bas saýǵalaǵan «bosqyn» ekenderin dáleldeý úshin qaladaǵy Qazybek bı aýdandyq sotyna shaǵymdanypty. İspen qoǵamdyq qorǵaýshylar aınalyspaq. Daý-damaı sheshilgenshe sırıalyqtar Qazaqstannan qýylmaıdy. Sondyqtan oblystyq kóshi-qon polısıasy otbasynyń ýaqytsha turaqtaý merzimin uzartqan. 

Almagúl Raısova, Sandýǵash Raısovanyń ápkesi:

Bul meniń kúıeý balam. Oǵan bosqyn dárejesin beredi dep úmittenemin. Óziniń elinde áli soǵys júrip jatyr. Sińilimdi ol elge jibere almaımyn. Balalary bar, áli kishkentaı.

 Eske salsaq, Qazaqstan azamaty Sandýǵash Raısova, otbasymen byltyr tamyzda Sırıadaǵy soǵystan qashyp, Qaraǵandydaǵy týystaryn panalaǵan. Zań boıynsha qýǵyn-súrginge ushyramaı, óz erikterimen jer aýdarǵandyqtan, onyń kúıeýi men balalaryna «bosqyn» mártebesi berilmeıdi. Olardyń vızasynyń merzimi naýryzdyń 25-ne aıaqtalýy tıis bolatyn.