El Prezıdenti Nursultan Nazarbaev «Anaǵa aparar jol»  fılminiń Astanada ótken kórsetilimine qatysty, - dep habarlaıdy baistars.kz «Habar» arnasyna silteme jasap.

Kartınanyń kórsetilimi Alǵys aıtý kúnine oraı uıymdastyrylǵan. Kórsetilim aldynda Elbasy túsirilim tobymen kezdesip, suhbattasty.

Fılm ómirde túrli qıyndyqty basynan ótkergen jigittiń taǵdyry jaıynda órbıdi. Jastaıynan úıinen ketken keıipker soǵysty kórip, tutqyndar lagerine túsedi. Osy jyldar boıy ol úıine, anasyna oralyp, ulyn kórem degen úmitin joǵaltpaıdy. Keıipkerdiń 45 jyl ómiri ekranda órbıdi. Sújet ujymdastyrý, halyqqa qaıǵy ákelgen jutty, Uly Otan soǵysy men soǵystan keıingi Qazaqstannyń qıyn kezeńderin qamtıdy.

«Mınskte soǵys kórinisterin túsirdik. Dneprdi tezdetip ótý kórinisin 10 kún túsirdik. Árıne, tehnıkalyq jaǵynan bul bizge úlken syn boldy. Bul erekshe jumys boldy, óte salmaqty jáne iri joba. Qolymyzdan keldi dep oılaımyn» — deıdi fılm rejıseri Aqan Sataev.

Aıta keteıik, fılmniń prodúseri – prezıdent Nursultan Nazarbaevtyń kenje qyzy Álıa Nazarbaeva. Al, basty rólderdi Altynaı Nógerbek, Ádil Ahmetov, Arýjan Jazylbekova jáne Erkebulan Daıyrov syndy akterler somdaıdy. Senarıin Tımýr Jaqsylyqov jazsa, mýzykasymen Renat Gaısın aınalysqan.