Ǵalamtorda qazirgi qorǵanys mınıstri Imanǵalı Tasmaǵambetovtyń elimizdiń burynǵy premer-mınıstri Ákejan Qajygeldındi aıyptaǵan vıdeosy jarıalandy, - dep habarlaıdy «Qamshy» portaly.

Vıdeoǵa Imanǵalı Tasmaǵambetovtyń áldebir minbede resmı baıandama jasap turǵan sáti túsirilgen. Baıandamashynyń sózine qaraǵanda bul oqıǵa onyń premer-mınıstr kezinde (2002-2003 jyldar) bolsa kerek.

Baıandamasynda I. Tasmaǵambetov Á. Qajygeldındi korrýpsıalyq qylmystarǵa tikeleı qatysy bar, salyq tóleýden jaltarǵan qylmysker dep aıyptaıdy.

«Prezıdent ony qoldap, kótermeledi. Men ony kórdim. Sizderdiń de birazyńyz kórdińizder. Biraq, ol joǵary senimge laıyqty adam bolmaı shyqty», - deıdi I. Tasmaǵambetov.

Buǵan deıin Úoutube jelisinde I. Tasmaǵambetovtyń kezinde elbasynyń qupıa buıryǵymen shet elde ashylǵan qupıa esep-shot týraly málimdemesi jarıalanǵan bolatyn.