«Qara altynnyń» baǵasy búgingi saýdada ósti, - dep habarlaıdy «Qamshy» portaly QazAqparatqa silteme jasap.

14:17 msk jaǵdaı boıynsha Brent markili munaı mamyr fúchersteri londondyq ICE Futures bırjasynda 1, 87% qymbattap, bir barreliniń quny $40,39 qurady. WTI munaıynyń sáýir fúchersteriniń baǵamyn belgileý Nú-Iork taýarlyq bırjasynda (NYMEX) kórsetilgen ýaqytta 1,64%  ósip, bir barreliniń quny $37,10 qurady, - dep habarlady Rosbalt.

Seısenbi kúni munaıdyń Brent markasy - 2,9%-ǵa, WTI markasy - 3,7%-ǵa arzandaǵan edi.

Amerıkandyq munaı ınstıtýtynyń (API) aqparatynsha, elde munaıdyq taýarlyq qory ótken aptada 4,4 mln barelge ulǵaıdy. AQSH Energıa mınıstrliginiń resmı derekteri sársenbi kúni Máskeý ýaqytymen saǵat 18:30-da jarıalanady. Bloomberg saýalyna qatysqan sarapshylar qordyń 3,5 mln barelge deıin ulǵaıatynyn boljady.