Bıyl «Qazaqstan» Ulttyq telearnasynda osy jyldyń úzdik mega-jobasy – «MýzART LIVE» tusaýyn kespek, - dep habarlaıdy «Qamshy» portaly ulttyq arnanyń baspasóz qyzmetine silteme jasap.

Baǵdarlamada halyq súıispenshiligine bólenip, júregin jaýlaǵan «MýzART» toby óz izbasarlaryn el arasynan izdeıdi.

 «Qazaqstan» arnasynan kórsetiletin mega-jobanyń júrgizýshileri -  belgili akter Azamat Satybaldy, jas akter, telejúrgizýshi Nursultan Esjan men jýrnalıs – Dına Tólepbergen; prodúseri – Renat Gaısın.

«MýzART LIVE» mýzykalyq telejobasyna 16 jastan 25 jasqa deıingi aralyqtaǵy talantty er jigitter qatysa alady. Úmitkerlerdiń mýzykalyq biliminiń bolýy shart emes. Sondaı-aq, mýzykalyq talǵamy men oryndaýshylardyń quramyna da (solo, dýet, top) mán berilmeıdi. Eń basty talap – qatysýshy qazaq tilinde án aıta bilýge mindetti.

«MýzART LIVE» mýzykalyq baıqaýy 3 kezeńnen turady  deıdi uıymdastyrýshylar.

İ kezeń – Onlaın irikteý (kastıng) 15-shi naýryzdan 15-shi sáýir aralyǵynda ótedi ( onlaın ótinish bergen úmitkerlerdiń jumysy qaralady).

İİ kezeń – Aımaqtyq irikteý «MýzART» tobynyń qatysýymen ótpek. Baıqaýdyń aımaqtyq irikteý kezeńi 10-shy mamyrdan 25-shi mamyr aralyǵynda Qazaqstannyń 5 qalasynda -  Astana, Almaty, Atyraý, Semeı jáne Shymkentte ótedi.

Ekinshi kezeń bitkennen keıin qazylar alqasy 2 aptanyń ishinde baıqaýdyń úshinshi kezeńine joldama alatyn 60 úmitkerlerdiń esimin jarıalaıdy. Ulttyq mýzykalyq telejobanyń İİİ kezeńi úmitkerlerge teletúsirilimge qatysý múmkindigin beredi.

İİİ kezeńge ótken úmitkerler stıl, ımıj, repertýar, horeografıa salasy boıynsha uıymdastyrý komıtetinen keńes alady dep josparlanyp otyr. Aqtyq synda bar-joǵy 6 adam baǵyn synaıdy.

Qatysý erejesi boıynsha tolyq aqparatty www.kaztrk.kz, www.viamuzart.kz resmı saıttarynan, Jobanyń @muzartlive_official resmı instagram paraqshasynan alýǵa, sondaı-aq onlaın ótinishterdi show@muzart.kz e-mail adresine joldaýlaryńyzǵa bolatynyn habarlaımyz.

Tek úzdikter úzeńgi qaǵystyratyn dúbirli dodanyń kýási bolatyn kún de alys emes. Jańa joba – jańa belesti Ulttyq arnada tamashalańyzdar! Óte qyzyqty bolaryna ýáde beremiz! Al ázirshe, Sizderdiń kastıngke qatysýǵa múmkindikterińiz bar.

Biz óz kezegimizde, Joba úmitkerlerine tek sáttilik tileımiz!