Keshe keshke Túrkıa astanasynda jarylys bolyp, 34 adam qaza tapty,- dep habarlaıdy «Qamshy» portaly.

Jarylys Gúıven saıabaǵynda, Túrkıa premer-mınıstriniń keńsesi mańyndaǵy avtobýs aıaldamasynda bolǵan. Avtokólik ishindegi jarylǵysh zattyń iske qosylǵan sáti beınekameraǵa túsip qalǵan.

Eldiń densaýlyq saqtaý mınıstri Mehmet Múzenoǵly jarylystan qaza tapqandar sany 34 adamǵa jetkenin habarlady. Buǵan deıin aqparat quraldary 27 adamnyń qaza bolyp, taǵy 75 kisi jaraqat alǵanyn habarlaǵan bolatyn.

«30 adam oqıǵa ornynda, tórt adam aýrýhanalarda kóz jumdy. Qaza tapqandar ishinde bir nemese eki jankeshti lańkes bolýy múmkin. Taǵy 125 adam jaraqat alǵan, olar 14 aýrýhanaǵa jatqyzyldy, jaralanǵandardyń 19-y – aýyr jaraqat alǵandar. Jeti adam operasıa stolynda jatyr», - dep málimdedi densaýlyq saqtaý mınıstri M. Múzenoǵly.

Aldyn ala taratylǵan málimetter boıynsha. Jarylysty Kúrdistan jumysshy partıasy nemese soǵan jaqtas uıymdar uıymdastyrýy múmkin ekeni aıtylýda. El permeri Ahmet Dáýituly osy máselege oraı shuǵyl jıyn ótkizdi. Al, prezhıdent Erejep Erdoǵan jarylysqa kináliler qatań jazalanatynyn málimdedi.