Aıtysker aqyn Rınat Zaıytov «Qazaqstan» arnasyndaǵy baǵdarlamalardyń birinde qatań synaǵan, artynsha áleýmettik jeli qoldanýshylarynyń da aýyr aıyptaýlaryna ushyraǵan “Ninety one” toby mundaı sózderge asa mán bermeıtinin aıtady, - dep habarlaıdy «Qamshy» portaly stan.kz – ke silteme jasap.

Alaıda, erekshe top músheleri ózderin qyzdarǵa teńeıtinderdi unatpaıtyndaryn, ondaılardy «kóre almaýshylyq» dep baǵalaıtyndaryn jasyrmaǵan.

Bul pikirlerimen “Revú” baǵdarlamasynda bólisken.

Kúni keshe ónerde júrgen aǵalarynyń synyna ushyraǵan “Ninety one” toby “Orda” tobynan án surap alyp, ony óńdep jatyr. Qandaı synǵa bolsyn tótep bere alatyndyqtaryn jetkizgen top músheleri bir nársege ǵana tóze almaıtynyn aıtty. Bul – tyńdarmandardyń nemese ónerdegi aǵalarynyń ózderin qyzǵa uqsatýy eken.

“Bárinen buryn bul qyz ba álde jigit pe degen synı sózder ashýymyzdy keltiredi. Dostar, qyz qaıda, jigit qaıda?!” – dep renishterin jetkizdi.

Kóp adam qazaq estradasyna endi ǵana aıaq basqan toptyń qatań syndarǵa qalaı tózip jatqanyn bilmeı dal bolýda. Óıtkeni, osyǵan deıin kóptiń sózine nazar aýdarmaıtyn Maqpal Isabekova ınstagramdaǵy paraqshasyn synı pikirlerge qatysty óshirgen bolatyn.

Ótken aptada top músheleri men prodúseri Erbolat Bedelhan «Qazaqstan» arnasyndaǵy baǵdarlamada Rınat Zaıytovpen betpe-bet kelip, biraz syn estigenin esterińizge salamyz.