Qyrǵyzstannyń prezıdenti Almazbek Atambaev keler jyly qyzmetten ketetinin málimdedi, - dep habarlaıdy «Qamshy» portaly Oınet saıtyna silteme jasap.

Ótken aptada Bishkekte ótken senbilikke qatysqan ol kópshilikpen birge topyraq qopsytyp, kóshetterdi sýardy. Prezıdent senbilikke jınalǵandarǵa bul kásipti óte jaqsy kóretinin aıtyp, aǵynan jarylǵan.  

--Jerdi baptap, sýarý meniń dúnıedegi eń jaqsy kóretin jumysym. Shólirkep turǵan jerdi sýarý, jerdiń sýdy ishkenin seziný ǵanıbet is. Erteńine sarǵysh tartqan shópterdiń kógere bastaǵanyn kórgende lázzat alasyń. Meniń qazirgi jumysym zor  qajyr-qaıratty qajet etedi. Ókinishke qaraı, ol jemisin de birden bere qoımaıdy.  Degenmen jaǵymdy ózgeris bar dep oılaımyn, ásirese energıa salasynda. Keler jyldyń kókteminde bul qyzmetten ketken soń men kóshet otyrǵyzyp, olardy sýarýmen aınalysatyn bolamyn dep úmittenemin. Qazir buǵan ýaqyt joq,--dedi prezıdent.

Almazbek Atambaev Qyrǵyzstannyń prezıdenti bolyp 2011 jyldyń qazanynda saılanǵan.