Reseıde apatqa ushyraǵan ushaqta Qazaqstan azamattary joq, - dep habarlaıdy «Qamshy» portaly QazAqparatqa silteme jasap

«Aldyn ala aqparatqa sáıkes apatqa ushyraǵan ushaqta qazaqstandyqtar bolǵan joq. Birqatar BAQ-ta ekıpaj músheleri arasynda Qazaqstannyń azamaty nemese týmasy bolǵandyǵy jaıynda aqparat tarady. Bul málimet qazirgi ýaqytta tekserilýde», - dedi QR Syrtqy ister mınıstrligi baspasóz qyzmetiniń jetekshisi Anýar Jaınaqov.

Sonymen qatar ol naqty málimetter alynǵannan keıin qosymsha aqparat beriletindigin aıtqan. 

Aıta keteıik, Dýbaıdan ushyp kele jatqan Flydubai áýe kompanıasyna tıesili Boeing 737-800 jolaýshylar ushaǵy Reseıdiń Dondaǵy Rostov qalasy áýejaıynyń ushý-qoný jolaǵynyń sol jaǵynda qulady. Aldyn ala málimetter boıynsha, qaıǵyly oqıǵa Astana ýaqytysaǵat 06.50-de oryn alǵan. Áýe kemesiniń bortynda 61 adam boldy (55 jolaýshy men ekıpajdyń 6 múshesi). Jolaýshylardyń arasynda tórt bala bar.

Buǵan deıin ushaq ishinde Ýkraına, Ózbekstan, Úndistan azamattary boldy dep habarlanǵan edi.