Túrkıanyń Ystambul qalasynda búgin bolǵan jarylystan 5 adam qaza taýyp, taǵy 36 adam túrli jaraqat alǵan, - dep habarlaıdy «Qamshy» portaly RIA Novostı – ge silteme jasap.

Ystambuldyń Istıklál alańynda saýda oryndarynyń mańynda jankeshti jarylǵysh zatty iske qosqan. Jarylystan jankeshtiniń ózimen qosa bes adam kóz jumyp, 36 adam túrli jaraqat alǵan.

Zardap shekkender ishinde Germanıa, Iran men Izraıl azamattary bar.

«Lańkestik áreket saldarynan bes adam qaza boldy. Aýrýhanalarǵa jaraqat alǵan 36 adam jatqyzyldy. Olardyń jeteýiniń jaǵdaıy aýyr. Jaraqattanǵandar ishinde 12 shetel azamaty bar», - dep habarlaǵan Túrkıanyń Densaýlyq saqtaý mınıstri Mehmet Múıizenoǵlu.

Jarylys bolǵan aýdanda RF men taǵy birneshe eldiń elshilik ǵımarattary ornalasqanyn aıta ketý kerek.