Tarıhyn tereńnen tartqan, túrki balasynyń ortaq meıramy – Ulystyń uly kúni Naýryz meıramy qazaq jerine de kelip jetti.

IýNESKO sheshimimen «Halyqaralyq mereke» mártbesin alǵan Naýryz elimizde 21-23 naýryz aralyǵynda úsh kún boıy atap ótiledi.

Kóktem men jańarý merekesinen qazaq halqy kóp jańalyq kútedi, úlken úmitter artady. Ótkenge salaýat aıtyp, keler kúnniń jarqyn bolýyn tileıdi.

Táýelsizdik týyn tik ustap kele jatqan Egemen elimiz bıyl erkindiktiń 25 jyldyǵyn artqa qaldyryp otyr.

Ǵalamdyq úderister Qazaq eline ár kún saıyn tosyn syn-qaterlermen qatar jańa múmkindikter usynýda. Myń qubylǵan dúnıe dúbirinde elimizdiń baǵyty aıqyn, baǵdary anyq bolsyn! Jaratqan Elimizdiń erteńin jarqyn, egemendigin baıandy etsin!