Nıderlandydaǵy QR Elshiliginiń konsýldyq bólimshesi qazaqstandyqtarǵa Brússeldegi teraktilerge baılanysty adamdar kóp jınalatyn oryndardan meılinshe aýlaq júrýge keńes beredi, - dep habarlaıdy «Qamshy» portaly QazAqparatqa silteme jasap.

«Qurmetti otandastar! 22 naýryzda Brússelde (Belgıa Koróldigi) oryn alǵan teraktilerge baılanysty, Nıderlandy Respýblıkasyndaǵy Qazaqstan Elshiliginiń konsýldyq bólimshesi sizderdi adam kóp jınalatyn oryndarǵa ýaqytsha barmaýdy suraıdy», - delingen Elshiliktiń taratqan habarynda.

Tótenshe jaǵdaı oryn alǵan jaǵdaıda, konsýldyq bólimshege myna telefon nómirleri arqyly qońyraý shalýǵa bolady: 070 427 22 20, 06 81 86 94 38.

Eske sala keteıik, Brússel áýejaıynda 22 naýryz kúni eki birdeı jarylys boldy. Álemdik BAQ habarlaýynsha, saldarynan 13 adam qaza tapty. Keıin arasyna bir saǵat salyp, qala ortalyǵynda ornalasqan «Maelbek» metro stansasynda vagon ishinde taǵy bir jarylys oryn aldy. Onda keminde 15 adam kóz jumdy.