Áleýmettik jelilerde taraǵan Qyrǵyzstan opozısıa serkeleriniń telefonmen áńgimelesýleri Qyrǵyzstannyń Memlekettik qaýipsizdik komıtetiniń nazaryna ilingen, - dep habarlaıdy «Qamshy» portaly Tengrinews.kz – ke silteme jasap.

Qyrǵyzstannyń arnaıy qyzmet ókilderi sot sanksıasymen eldegi birqatar opozısıalyq saıasatkerlerdiń telefonmen áńgimelesýleri tyńdalǵanyn, olar qazirgi tańda qozǵalǵan №082-16-0054 qylmystyq istiń bir bóligi ekenin habarlaǵan.

Buǵan deıin áleýmettik jelilerde Qyrǵyzstan opozısıalyq qozǵalysy jetekshileriniń biri Qubanyshbek Qadyrovtyń, Jalal-Abad oblysynyń burynǵy basshysy Bektur Asanovtyń jáne opozısıalyq belsendi Dýlatbek Turdynálıevtiń áńgimeleri jazylǵan aýdıofaıldar taralǵan bolatyn.

Ondaǵy áńgimeden atalǵan tulǵalardyń Talas óńirinde bastalyp, keıin búkil Qyrǵyzstan aýmaǵyna taraýy tıis jappaı tolqýlar ázirlemek bolǵanyn uǵýǵa bolady. Osy tolqýlar nátıjesinde opozısıa serkeleri bılikti basyp alyp, úkimet pen prezıdentti elden qýmaqqa árekettengen. Qyrǵyz arnaıy qyzmetiniń ókilderi oppozısıonerler osy maqsatta jaqtastary men qajetti kólikter ázirlep, elge aqsha taratqan kórinedi.

Buǵan deıin Qyrǵyz Respýblıkasynda 2005 jyldyń 11 naýryzynda jáne 2010 jyldyń 7 sáýirinde memlekettik tóńkeris bolyp, sol kezdegi memleket basshylary Asqar Aqaev pen Qurmanbek Bákıev eldi tastap shyqqan bolatyn.