«Nur Otan» partıasy saılaý aldy úgit-nasıhat kezeńine jáne partıanyń «Jeńimpazdar forýmyna» arnalǵan bas kıimderin Qyrǵyzstanda tikkizgen, - dep habarlaıdy «Qamshy» portaly Azattyqqa silteme jasap.

Astanadaǵy «Saryarqa» velotreginde ótken forýmǵa qatysqan «Azattyq» tilshisi Rýslan Botaıuly buǵan ózi kóz jetkizgenin aıtady.

«Prezıdent «Jeńimpazdar forýmynda» kóp aıaldamady. Onymen birge úkimet músheleri, partıa jetekishileri ere shyqty. Zaldaǵy jastar tegin konsert kórip qaldy.

Kıim ilgishtegi kezekke ilinbes úshin zaldan erterek shyqqan edim. Baspaldaqta birdeńeni basyp ketkendeı sezindim. Taban astyma qarasam, «Nur Otan» degen órnegi bar "beısbolka" eken. Bas kıim bolǵan soń jerden kóterip qolyma aldym. Alaqanyma shańyn qaqqan edim  ishindegi etıkasyna kózim túskeni. Óz kózime ózim senbedim! Qaıta qaradym! Ótirik sekildi. Kózildirikti súrtip jáne qaradym. Shyn eken. «Made in Kyrgyzstan» dep tur.

Qyrǵyz aǵaıynnyń kıim tigetinine esh kúmánim joq, árıne. Jasyryp ne qylaıyn, aıaǵymdaǵy shulyq, ish kıimim de Qyrǵyzstannan shyqqan. Al myna bas partıanyń bas kıimine  tań qalmasqa endi sharam qalmady», - deıdi jýrnalıs.