Qaraǵandy oblysynda tasqyn sýdan bolýy múmkin qaýiptiń aldyn alý jumystary tolyq oryndalǵan, - dep habarlaıdy «Qamshy» portaly 24.kz-ke silteme jasap.

Qaraǵandy oblysynda tasqynnyń aldyn alý úshin qandaı jumystar atqarylýda? Ózen-kóldiń jaı-kúıi qandaı? Byltyrǵy jaǵdaı qaıtalanýy múmkin be? Tótenshe jaǵdaılar komıtetiniń tóraǵasy Vladımır Bekker óńirge issaparmen baryp, aımaqty aralap, qutqarýshylardyń daıyndyǵymen tanysty. Sondaı-aq apattyń aldyn alý jumystarynyń tolyq oryndalǵanyna kóz jetkizdi. Esterińizge sala keteıik, byltyr kóktemde Qaraǵandy óńirinde bolǵan tabıǵı apatta 2 myńǵa  jýyq otbasy zardap shekken bolatyn.

Nura men Sherýbaınura ózenderdiń jaǵalaýynda 50-ge jýyq eldi meken ornalasqan. Ótken jyly bul aýyldar qyzyl sýdyń astynda qalǵan bolatyn. Tótenshe jaǵdaı qyzmeti mamandarynyń maqsaty – bıylǵy sý tasqynyn aldyn alý. Qazir óńirdegi iri sý qoımalary Samarqand, Sherýbaınuradan jınalǵan sý qoryn aǵyzý jumystary júrgizilýde.

Vladımır Bekker, QR İİM TJ komıtetiniń tóraǵasy: - Jalpy aımaq boıyna eshqandaı qaýip tónip turǵan joq. Byltyrǵy topan sý bıyl bolmaıdy degen senimdemiz. Josparlanǵan daıyndyq jumystarynyń barlyǵy júzege asyryldy, sondyqtan sý tasqyny bolmaıdy dep úmittenemiz. Jalpy150 eldi meken qaýipti aımaqqa kirip otyr. Onda turatyn turǵyndar sany 40 myńǵa jýyq. Qazir oblysta 50 sý tasqynynyń aldyn alý jumystary jasaldy. Al azyq-túlik qory 250 tonnany quraıdy.

Andreı Lápýnov, oblys ákiminiń orynbasary:

- Bıyl biz josparlanǵan sý bógetteriniń qurylysyn tolyq aıaqtadyq. Apat bolǵan jaǵdaıda da kóshiriletin beketter daıyn, azyq-túlik nemese janar-jaǵarmaı sıaqty qajetti zattar saqadaı saı tur. Aımaqtyń 800-ge jýyq shaqyrymyn ushyp ótken tótenshe jaǵdaı qyzmetiniń mamandary oblystyń batys, soltústigi men ońtústik-batysynda qar joq ekenin aıtty. Al soltústik-shyǵys pen ońtústik-shyǵys aýmaqtarynda qardyń mólsheri aıtarlyqtaı kóp. «Tabıǵı apat qaýpi tek aýa raıy kúrt jylynǵan jaǵdaıda ǵana bolady. Degenmen, bıyl júrgizilgen daıyndyq sharalary men aýa raıy boljamy tabıǵı apattyń bolmaýyna úmit beredi», - deıdi mamandar.