Qańtar aıynyń basynda joǵalyp ketken qaraǵandylyq Aıbek Mustaqaevtyń múrdesi tabyldy, - dep habarlaıdy «Qamshy» portaly.

Marqumnyń denesi 24 naýryz kúni Qaraǵandy oblysy Abaı qalasyndaǵy sý tazalaý ǵımarattarynyń janynan tabylǵan. Týystary saraptama Aıbektiń bas súıeginiń jarylýy jáne mıǵa qan quıylýdan qaıtys bolǵanyn rastaǵanyn aıtady.

«Aıbektiń múrdesi qala syrtynan tabyldy. Máıitte kúsh qoldaný belgileri bar. Múrde dalada bir kún emes, birneshe kún jatyp qalǵan sıaqty. Ony kezdeısoq taýyp otyrmyz. Eger der ýaqytynda tapqanda, bálkim, qylmyskerdi ustaý da qıyn bolmas edi. Biz qylmyskerdiń tabylyp, tıisti jazasyn alǵanyn qalaımyz», - deıdi marqumnyń apasy Gúlzat Qappasova.

Qaraǵandy qalasynyń turǵyny Aıbek Mustaqaev 3 qańtar kúni joǵalyp ketken bolatyn. Sodan beri polısıa ony izdeý jumystaryn júrgizgen.