Qazaqstannyń halyq ártisi, Q.Qýanyshbaev atyndaǵy memlekettik akademıalyq Qazaq mýzykalyq drama teatrynyń kórkemdik jetekshisi Talǵat Temenov teatr óneriniń búgingi jaı-kúıin sóz ete kelip, teatrǵa bılet alyp jatqan birde-bir ákim nemese mınıstrdi kórmegenin aıtty,- dep habarlaıdy baistars.kz BNews.kz- ke silteme jasap.
Belgili rejıserdiń aıtýynsha, Qazaqstanda teatr ónerine ekinshi surypty óner retinde qaraıdy.
«Osyndaı jaǵdaı qalyptasyp kele jatqan sekildi. Men birde-bir oblys ákimi nemese mınıstrdiń teatrǵa bılet alǵanyn kórgen emespin. Olar «Astana Operaǵa» barady, árıne, men bul tamasha teatr ekenin túsinemin. Biraq, basqa, mysaly, oblystyq teatrlar da bar ǵoı. Sheneýnikter teatrdyń jan men rýhty tárbıeleıtin oryn ekenin túısingen kezde, sol ýaqytta sizderdiń de teatr ónerine kózqarasyńyz ózgeredi», - deıdi T.Temenov.
«Ótken jyly Sergeı Bezrýkov kelgen kezde búkil baspasóz jazdy. Al bizde she? Sizder ózderińiz teatrǵa barmaısyzdar. Teatrǵa barý kerek, bul - adamnyń jany tazaratyn oryn», - degen pikirin bildirdi belgili rejıser.
