Óńirlerdegi ákimderdiń aqparat quraldarynyń ókilderin «qara tizimge» engizýge haqysy joq. Búgin Ortalyq komýnıkasıalar qyzmetinde jýrnalıserdiń suraǵyna jaýap bergen Memlekettik qyzmet isteri jónindegi mınıstr Talǵat Donaqov osylaı dedi, - dep habarlaıdy «Qamshy» portaly.

«Qazir aqparattyń ashyqtyǵy týraly zań jumys kúshine endi. Zańda taıǵa «Aqparatty shekteýge bolmaıdy» dep anyq jazylǵan. Sondyqtan da  ákimderdiń jýrnalıserdi «qara tizimge» engizýge qaqysy joq. Kerisinshe, zańda aqparatty shektegen adam jazaǵa tartylatyny da aıtylǵan. Sondyqtan, bárimiz osy zańǵa baǵynýymyz kerek»,-dedi mınıstr T. Donaqov. 

Al, vıse-premer Darıǵa Nazarbaeva osy zańda memlekettik organdar men ortalyq jáne jergilikti atqarýshy organdardy kez-kelgen qujat qabyldanǵannan keıin úsh kúnnen soń ınternetke jarıalaýdy mindetteıtin norma bolǵandyqtan aqparatty shekteý máselesi ózinen-ózi joıylatynyn aıtady.