Ánshilerdiń qatysýymen byltyr bastalyp, bıyl ekinshi ret uıymdastyrylǵan «Juldyzdy aıtys» jurtshylyqtyń narazylyǵyna tap boldy. Kıeli ónerdi shýly shoýǵa aınaldyrǵysy keletinderdi aıtysker aqyndar da jónge salýǵa nıetti, - dep habarlaıdy «Qamshy» portaly.

Mysaly, qaraǵandylyq aıtysker aqyn Amanjol Áltaev «Bazar joq» baǵdarlamasymen tanylǵan, búginde «Juldyzdy aıtystyń» beldi «aqynyna» aınalǵan qyljaqbas Qanat Áljapparovqa qarata bylaı depti:

«Qanat baýyrym, boıyńda azamattyq namysyń bolsa, ulttyq ónerge degen qurmetiń bolsa, endi aıtys saxnasyna shyqpaýyńdy suraımyn. Aıtys óneri erikkenniń ermegi emes, ónerdi olaı qorlaýǵa bolmaıdy... Qazaqtyń balasy bolsań endi qoı, aqylyń jetse keshirim surasań da artyq emes. Tóreǵalı, Erkin, Roza sekildi aqyndyq talanty bar óner ıeleriniń aıtysqa shyqqanyn qoldaımyn,jyly qabyldaımyn. Janar, Ulyqpan sekildi aıtystan aýyly alys ánshilerge aqylǵa kelińizder demekpin. Kıeli ónerdiń kutyn qashyrmaıyq!».

Aqyn bul oıyn óziniń Feısbýk jelisindegi paraqshasynda jarıalady.

Bıyl ekinshi ret uıymdastyrylǵan shoýǵa "Bazar joq" teatrynyń artısy Qanat Áljapparovtan basqa Aıgúl Imanbaeva, Móldir Áýelbekova, Erkin Nurjanov, Muhtar Nıazov qatysty.