Qazaqstan bıligi aǵymdaǵy jyldyń 1 shildesine deıin 1,7 mıllıon gektar jer satpaq, - dep habarlaıdy «Qamshy» portaly.

Jekeniń qolyna ótetin jer aýksıon arqyly satylatyn kórinedi. Bul týraly keshe Ulttyq ekonomıka mınıstri Erbolat Dosaev Ortalyq komýnıkasıalar qyzmetinde ótken brıfıńte málimdedi.

Mınıstrdiń aıtýynsha, aýksıonǵa qatysatyndar úshin arnaıy jeńildikter de ázirlenip otyrǵan kórinedi.

«Qazir jerdi jalǵa alyp otyrǵan arendatorlar úshin sol jerdi satyp alýǵa onyń kadastrlyq qunynan 50 paıyz jeńildik jáne 10 jylǵa deıin bólip tóleý múmkindigi qarastyrylyp otyr. Satylymǵa shyǵatyn jer ýchaskeleriniń kadastrlyq baǵasy aýksıondaǵy starttyq baǵa bolady», - degen E. Dosaev.

Onyń aıtýynsha, qazir satylymǵa shyǵarylatyn jerler daıyndalýda. Qazirgi tańda 645, gektar jer nemese 1271 jeke jer ýchaskesi satylymǵa shyǵarýǵa daıyn tur.

Buǵan deıin Qazaqstanda jekeshelendirý baǵdarlamasyn júzege asyrý aıasynda paıdaly ken oryndarynyń birqatary aýksıon arqyly satylǵan bolatyn.