Reseılik dúkender jelisi qazaqstandyq jemis-jıdek pen kókóniske qyzyǵýshylyq tanytty,- dep habarlaıdy «Qamshy» portaly 24 kz-ke sileme jasap.

İri saýda oryn ókilderi Taldyqorǵan qalasynda otandyq taýar óndirýshilermen kezdesip, áriptestik ornatý máselesin talqylady. Kórshiler ónimderdi ımporttaý úshin deldalsyz qarym-qatynas jasap, óndirýshilermen tikeleı jumys isteýdi kózdeıdi.

Delegasıa quramynda Sibir men Qıyr Shyǵystyń 9 iri saýda jelisi ókilderi bar. Olar Qazaqstannan aı saıyn 30 myń tonna kókónis pen jemis-jıdek satyp alýǵa daıyn. Kezdesý barysynda Reseıdiń saýda ókilderi Qazaqstanmen qarym-qatynasty nyǵaıtýdyń mańyzdylyǵyn atap ótti.

Roman Gorbatov, Barnaýl qalasy dúkenderi jelisiniń ókili:

- Qazaqstan men Reseı eń jaqyn kórshiler, logıstıka jaǵynan ónimdi tıimdi jetkizý,tasymaldaý arzanǵa túsedi. Mysaly, sonaý Túrkıamen salystyrǵanda, edáýir únemdeýge bolady. Iaǵnı sapaly ónimdi qysqa merzimde alýǵa múmkindik týady.

Elena Sarǵaldaqova, kórme uıymdastyrý jónindegi kompanıanyń bas dırektory:

- Sáýir aıynyń sońynda Almatyda rıteılerdiń úlken jıyny ótedi. Ol jerde ózge de taýarlar men ónimder kórsetiledi. Reseıdiń saýda jelilerin konservi ónimderi, et, kıim, aıaq-kıim men ózge de taýarlar qyzyqtyrady.