Aýqatty kásipker Álı Banat óziniń qaterli isik aýrýynynń eń aýyr satysynda ekenin bilgennen keıin jıǵan dúnıesin qaıyrymdylyqqa jumsaýǵa sheshim qabyldaǵan, - dep habarlaıdy «Qamshy» portaly www.ihsan.kz-ke silteme jasap.

Mingeni Ferrari Spider, sonymen qosa bildeı bir avtomobıl parkiniń qojaıyny, óziniń jekejaıy bar, ne ishem, ne jeımin, aqshany qaıda jetkizemin demeı ýaıym-qaıǵysyz qam keship jatqan jigit ómir súrýine 7 aı qaldy degendi estigende ómiri kúrt ózgerip ketti.

Bıznesmen Afrıkada 200-den asa jesirlerge úı men 600-ge jýyq jetim balalarǵa arnap jataqhana salyp bermekshi.

Budan ózge Álı jergilikti jerdiń halqyna qyzmet etetin, jumyspen qamatamasyz etý úshin aýrýhana men bıznes ortalyǵyn turǵyzatynyn aıtty. «Alla meniń ómirimniń az qalǵanyn seziný úshin, jalǵan dúnıeni tastap jalǵyz máńgilik ómirge attanatynymdy seziný úshin bul aýrýdy maǵan syıǵa tartty. Maǵan jaqsylyq jasaýdan artyq esh nárse kómektespeıdi », – deıdi musylman jigit.