Elimizdiń Bilim jáne ǵylym mınıstri Erlan Saǵadıevtiń «Elektrondy úkimettegi» blogynda osyndaı habarlama jarıalandy, - dep habarlaıdy «Qamshy» portaly.

Burynyraq habarlanǵandaı elimizde birińǵaı mektep formasyn engizý máselesi sheshilgen bolatyn. Budan bylaı oqýshylardyń mektep qabyrǵasynda ala-qula kıinýine tyıym salynyp, bilim mekemelerine ata-analardyń ujymdyq keńesteri arqyly bir tekti kıim úlgisine kóshý mindetteldi.

Alaıda, birqatar qoǵam músheleri bul bastama azamattardyń dinı nanym-senim bostandyqtaryna qaıshy kelip, azamattardyń quqyqtaryn shekteıdi dep narazylyq týǵyzǵan bolatyn.

Qyz balalardyń mektepke oramal taǵyp barýyna ruqsat surap mınıstrlikke ótinish joldaǵandarda da esep joq kórinedi.

«Oramal men kımeshek konstıtýsıalyq talaptardyń eshqaısysyna qaıshy kelmeıdi. Demek, ony taǵýdy shekteý – zańsyz. «Bala quqyǵy týraly» zań da, Konstıtýsıa baptary da mundaı shekteý qoımaıdy. Sondyqtan osy máseleniń oń sheshimin tapqanyn qalaımyz», - degen ótinish ıeleriniń biri Iman Qýanyshqyzy.

Óz kezeginde Bilim jáne ǵylym mınıstrligindegiler birińǵaı mektep formasyn engizý ozyq bilim uıymdarynyń tájirıbesine súıenip jasalǵanyn habarlady.

«Qabyldanǵan talaptarǵa sáıkes, mektep formasyn engizý jalpy mekteptik ata-analar jınalysynyń sheshimimen júzege asady. Talapqa sáıkes, mektep formasynyń fasony men túsin bilim berý mekemesi men ata-nalar qaýymynyń birlesip tańdaıdy. Bilim berý mekemesi ata-analardyń usynysy bolǵan jaǵdaıda mektep formasyna bas kıim qosý týraly sheshim shyǵara alady», - delingen mınıstr blogyndaǵy jaýapta.