Soltústik Qazaqstan oblysyndaǵy birqatar jol bóligin de sý basý qaýpi bar, - dep habarlaıdy «Qamshy» portaly 24.kz-ke siltema jasap..

Mundaı ýchaskelerdiń sany óńirde 179-ǵa jetken. Qazirdiń ózinde Taıynsha, Esil jáne Aıyrtaý aýdandarynda sý tas joldardyń ústinen aǵyp jatyr. Al Kishkenekól-Qaraterek baǵytyndaǵy kúre joldy erigen qar sýy shaıyp ketken.

Beıbit Ismanov, oblystyq jolaýshylar kóligi jáne avtomobıl joldary basqarmasynyń basshysy:

- Sý osy mańdaǵy bógetti tolyǵymen shaıyp ketti. Saldarynan tórt metr avtomobıl jolyna zalal keltirildi. Qazir bul aýmaqqa eskertý belgileri qoıylyp, qorshaýǵa alyndy. Al turǵyndar bolsa, aınalma jolmen qatynap jatyr.

Esterńizge salsaq, bıyl oblysta 360 shaqyrym jol jóndeledi. Bul maqsatqa 6 mlrd teńgege jýyq qarjy qarastyrylǵan. Sondaı-aq «Nurly jol» baǵdarlamasy boıynsha júzege asyp jatqan «Astana – Petropavl» tas joly da bıyl halyqtyń ıgiligine beriledi degen jospar bar.