Germanıa Ekinshi dúnıejúzilik soǵysta tutqyn bolǵan qazaqstandyqtardyń árqaısysyna 1 mıllıon teńgeden ótemaqy bermek, - dep habarlaıdy «Qamshy» portaly KTK arnasyna silteme jasap.

Germanıa úkimeti tóleıtin bul qarajatty 1941-1945 jyldary fashıserdiń tutqynynda bolǵan otandastarymyz ala alady.  Elimizdiń Densaýlyq saqtaý jáne áleýmettik damý mınıstrligine Syrtqy ister mınıstrliginen osyndaı jaǵymdy habar kelgen.

Alaıda, 2,5 myń eýro ıaǵnı 1  mıllıon teńgege qol jetkizý úshin soǵys ardagerleri tutqynda bolǵanyn rastaıtyn qujattar usynýy kerek.

Qazir oblystyq ákimdikterge soǵys ardagerlerine saýalnama toltyryp ótinish jazýǵa kómektesý tapsyrylǵan. Sebebi, aryz birden Germanıaǵa jiberilmek. Ardagerlerden járdemaqy alý týraly ótinish 2017 jyldyń 30 qyrkúıegine deıin qabyldanady. Soǵysta tutqynǵa túsip, azap shekken ardagerler sanyn jergilikti ákimdikter anyqtaıdy.