«Evrovıdenıe-2014» jeńimpazy Konchıta Výrst Astanaǵa kelip, jeke konsertin beretin boldy. Ol elimizde qazaq tilinde án aıtyp, dombyra tartýdy úırenbek dep habarlaıdy «Qamshy» portaly NUR.KZ – ke silteme jasap.

Atyshýly ártistiń Qazaqstandaǵy tuńǵysh konserti Astana kúnine oraı 6 shilde kúni ótedi dep málimdedi agenttikterdiń biri.

Derekkózdiń aıtýynsha, Výrst qazaq tiliniń áýezdiligine tánti bolǵan. Sol sebepti, elimizde qazaqsha án aıtýdy durys dep tapqan. Konchıta Qazaqstannan qur alaqan qaıtpaı, ulttyq aspabymyz dombyrada oınaýdy úırenip ketetinin málimdedi.

Konchıta Výrst — avstrıalyq ánshi Tomas Noıvırttiń senalyq obrazy. Ol osy beınesimen dástúrli genderlik rólderden bas tartyp, ózgelerdiń tańdaýyna qurmetpen qaraý máselesin kótergen tuńǵysh ánshi.