Ǵalamdyq ensıklopedıa wikipedia jelisinde qazaqtyń bir týar uly, ataqty Abylaı hannyń atasy, Túrkistan men Úrgenishti bılegen, tarıhta "Qanisher Abylaı" degen atpen qalǵan Abylaı Ýálıbaqyulyn qaralaǵan jazba jarıalandy, - dep habarlaıdy «Qamshy» portaly.

Qazaq hanyn qorlaǵan jazba týraly Feısbýk áleýmettik jelisinde Nurlan Sultanov esimdi qoldanýshy dabyl qaqty.

Ensıklopedıadanyń oryssha betindegi «Abylaı han Kansher» degen taqyryppen jazylǵan anyqtamaǵa shyndyqqa janaspaıtyn málimetter engizilgen. Atap aıtqanda, qazaq hanyn «Analdi zulym», «Barak Obamanyń on altynshy babasy» dep atap, qazaq halqy men onyń hanyna qatysty basqa da jalǵan aqparattar ornalastyrylǵan.

«Bul eshqandaı da 1 sáýir ázili emes. Senbeseńizder myna siltemege kirip kóz jetkizińizder», - dep jazady ol.

Nurlan Sultan bul ózgerister Almatydaǵy Kardıologıa jáne ishki aýrýlar ǵylymı-zertteý ınstıtýtyna tıesili 92.46.10.145 IP meken jaıynan engizilgenin aıtady.

Jeli qoldanýshylary bul áreketti tutastaı qazaq halqyn qorlaý dep baǵalap, arnaıy organdardan arandatýshyny tabýdy talap etýde.

Maqala jarıalanǵan ýaqytta (01.04.2016 j., saǵat 13.40) joǵaryda atalǵan jazba ózgertilip, Abylaı handy qaralaıtyn sózderdiń alynyp tastalǵany belgili boldy.