Qazaqstandyq shekarashylar Astanadan Peterborǵa jol tartqan poıyzdyń jolaýshysynan qoldan jasalǵan samýraı semserin tárkiledi, - dep habarlaıdy «Qamshy» portaly QazAqparatqa silteme jasap.

«Qazaq-reseı shekarasynda ornalasqan Qostanaı shekara jasaǵyna qarasty «Qaırak temirjol» baqylaý-ótkizý beketiniń shekarashylary Astanadan Sankt-Peterbýrg qalasyna ketip bara jatqan azamatqa shekaralyq baqylaý jasaǵanda onyń sómkesinen sýyq qarýdy tapty», - delingen QR UQK Shekara qyzmetiniń baspasóz qyzmeti taratqan habarlamada.  

Semser qol júgin tekserý kezinde - sómkeden tabylǵan. Qarýdyń uzyndyǵy 46 sm, eni - 2,5 sm, qalyńdyǵy - 5 mm, pyshaǵynyń uzyndyǵy - 29 sm. Qoldan jasalǵan semserdiń salmaǵy 1100 gram tartady.

Ustalý faktisi boıynsha quqyq qorǵaý jáne olarmen ózara is-qımyldaǵy organdar habardar etildi.