Osy aptada elimizde birqatar kadrlyq taǵaıyndaýlar júrgizildi. Elbasynyń Jarlyǵymen elimizdiń sheteldegi birqatar Elshileri aýyssa, jergilikti jerlerde de, QR Áskerı prokýratýrasynda da, tótene jaǵdaılar qyzmetinde de kadrlyq aýys-túıis oryn aldy. Nazarlaryńyzǵa QazAqparat ázirlgen sholýdy usynamyz.
Sonymen Memleket basshysy Nursultan Nazarbaevtyń Jarlyqtarymen Qaırat Asanıazuly Sarjanov Qazaqstan Respýblıkasynyń Brazılıa Federatıvtik Respýblıkasyndaǵy, Erik Myltyqbaıuly Ótembaev Qazaqstan Respýblıkasynyń Ózbekstan Respýblıkasyndaǵy, Nurlan Musataıuly Seıtimov Qazaqstan Respýblıkasynyń Tájikstan Respýblıkasyndaǵy, Tımýr Beıbitáliuly Orazaev Qazaqstan Respýblıkasynyń Armenıa Respýblıkasyndaǵy, Murat Ábýǵalıuly Nurtileýov Qazaqstan Respýblıkasynyń Fınlándıa Respýblıkasyndaǵy Tótenshe jáne Ókiletti Elshisi qyzmetine taǵaıyndaldy.
Qazaqstan Respýblıkasy Áskerı prokýratýra organdarynda da kadrlyq taǵaıyndaýlar júrgizildi. Atap aıtqanda, QR Bas prokýrorynyń buıryǵymen Almaty garnızonynyń áskerı prokýrory bolyp ádilet polkovnıgi Satken Tilekjan Baýyrjanuly, al Bas áskerı prokýratýra buıryǵymen Bas áskerı prokýratýranyń qylmystyq úrdistiń sotqa deıingi satysynyń zańdylyǵyn qadaǵalaý basqarmasynyń bastyǵy laýazymyna ádilet kishi keńesshisi Qýanyshbaev Danıar Súleımenuly taǵaıyndaldy.
Májilis Apparatynyń basshysy bolyp Júginisov Jasulan Esenǵalıuly taǵaıyndaldy. Ol 1978 jyly 17 sáýirde týǵan. M.Ospanov atyndaǵy Batys Qazaqstan memlekettik medısına akademıasyn jáne Q.Jubanov atyndaǵy Aqtóbe memlekettik ýnıversıtetin bitirgen. Eńbek jolyn 2001 jyly Aqtóbe qalasyndaǵy «Ramazan» JSHS-niń menedjeri bolyp bastady. 2004-2006 jyldary «Tán-SHan Aqtóbe» JSHS dırektory. 2006-2008 jyldar aralyǵynda Aqtóbe qalasy prokýratýrasynda prokýror kómekshisi, aǵa kómekshisi, memlekettik organdar qyzmetiniń zańdylyǵyn qadaǵalaý jónindegi bólim bastyǵy qyzmetterin atqardy. 2008-2011 jyldary QR Parlamenti Májilisi Apparatynda depýtat kómekshisi, Aqparat-taldaý bóliminiń bas konsýltanty, sektor meńgerýshisi, bólim meńgerýshisiniń orynbasary. 2011-2012 jyldary QR Parlamenti Májilisi Áleýmettik mádenı-damý komıtetiniń qyzmetin qamtamasyz etý bóliminiń meńgerýshisi. 2012-2016 jyldary QR Parlamenti Májilisi Apparaty Basshysynyń orynbasary boldy.
Pavlodar qalasy ákiminiń mindetterin atqarýshy bolyp Erjan Imanzaıpov taǵaıyndaldy. Erjan Beıbituly Imanzaıpov S.Toraıǵyrov atyndaǵy Pavlodar memlekettik ýnıversıtetin, Almaty ekonomıka jáne statısıka akademıasyn támámdady. Eńbek jolyn 2006 jyldyń naýryzynda Pavlodar qalasy «Pavlodarenergo» aksıonerlik qoǵamynyń mashınıst-qaraýshysy bolyp bastady. 2006 jyldyń shildesinen bastap memlekettik qyzmette: «Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi» MM turǵyndarmen jumys jónindegi bólimde bas maman; Qazaqstan Respýblıkasy Indýstrıa jáne saýda mınıstrliginiń Qurylys jáne turǵyn úı-kommýnaldyq sharýashylyq isteri komıteti basqarmasy turǵyn úı-kommýnaldyq sharýashylyq bóliminiń jetekshi mamany. 2007 jyldyń naýryzynan bastap Qazaqstan Respýblıkasy Tabıǵı monopolıalardy retteý agenttigi tabıǵı monopolıalardy retteý jóninde basqarmasynyń jetekshi mamany; Tarıftik retteý basqarmasynyń jetekshi mamany; Tarıftik, tehnıkalyq retteý jáne ádisnama basqarmasynyń saraptaýshysy; 2011 jyldyń sáýirinen 2013 jyldyń maýsymyna deıin Aqmola oblysy boıynsha Tabıǵı monopolıalardy retteý agenttigi departamenti dırektorynyń orynbasary; 2013 jyldyń maýsymynan 2014 jyldyń naýryzyna deıin tarıftik, tehnıkalyq retteý jáne ádisnama basqarmasy basshysynyń; Elektr jáne jylý energetıkasy salasynda retteý jónindegi departamenti dırektorynyń orynbasary laýazymynda qyzmet atqarady. 2014 jyldyń sáýir aıynan bastap Pavlodar qalasy ákiminiń orynbasary boldy.
QR İshki ister mınıstriniń buıryǵymen Ibragım Kúlshimbaev Qaraǵandy oblysy TJ departamentiniń bastyǵy bolyp taǵaıyndaldy. Ibragım Dáýkesuly Qaraǵandy oblysynyń Nura aýdany Amantaý aýylynda dúnıege kelgen. Qaraǵandy polıtehnıkalyq ınstıtýtyn bitirgen. Reseı TJM-nyń Azamattyq qorǵanys akademıasyn támamdaǵan. 2009 jyldan 2013 jylǵa deıin TJ mınıstriniń qory bolyp tabylatyn jáne tabıǵı jáne tehnogendik tótenshe jaǵdaılardy joıýǵa baǵyttalǵan mindetterdi oryndaıtyn 52859 áskerı bólimin basqardy. Jańa taǵaıyndaýǵa deıin Astana qalasy TJ departamentiniń bastyǵy laýazymynda qyzmet etti. I. Kúlshimbaev orman órtterin sóndirýge, Ońtústik Qazaqstandaǵy Syrdarıa arnasyndaǵy Kóksaraı bógetiniń qurylysyna, Qaraǵandydaǵy «Besoba» turǵyn úı kesheninde qıraǵan úıindini jınaýǵa, Shyǵys Qazaqstandaǵy Tarbaǵataı aýdanynda tasqyn sýdyń zardabyn joıýǵa atsalysty. «Qazaqstan Respýblıkasynyń Qarýly Kúshterine 10 jyl», İİİ dárejeli «Minsiz qyzmeti úshin», «Tótenshe jaǵdaılardyń aldyn alýda jáne joıýda úzdik shyqqany úshin», «Qazaqstan Respýblıkasynyń Táýelsizdigine 20 jyl», «Qazaqstan Respýblıkasynyń Qarýly Kúshterine 20 jyl», «Qutqarý operasıalaryna belsendi qatysqany úshin», «Tótenshe jaǵdaılar organdarynyń qurmetti qyzmetkeri» medaldarymen jáne tósbelgilerimen marapattalǵan.
Al Aqmola oblystyq TJD basshysy qyzmetine osyǵan deıin QR İİM TJK tótenshe jaǵdaılardy joıý basqarmasynyń basshysy bolǵan azamattyq qorǵanys podpolkovnıgi Alekseı Sergeevıch Sovetov taǵaıyndaldy. A.Sovetov, Aqmola oblysy Kókshetaý qalasynda týǵan. 1999 jyly Sh.Ýálıhanov atyndaǵy Kókshetaý memlekettik ýnıversıtetin támamdaǵan. 1999-2005 jyly oblystyq TJB aqparat, baılanys jáne habarlandyrý bóliminiń aǵa ofıseri qyzmetin atqarady. 2005 jyly oblystyq TJD aqparat, baılanys jáne habarlandyrý bóliminiń basshysy qyzmetin atqardy. 2008 jyly Reseıdiń TJM Azamattyq qorǵanys akademıasyn úzdik jáne altyn medalǵa támamdady. 2009-2014 jyldar aralyǵynda QR TJM tótenshe jaǵdaılardy joıý departamentiniń basshysy qyzmetinde boldy. İİ dárejeli «Aıbyn» ordenimen marapattalǵan.
«Nur Otan» partıasy Qyzylorda oblystyq fılıaly tóraǵasynyń birinshi orynbasary qyzmetine Ibadýlla Quttyqojaev keldi. Ibadýlla Dúısenbaıuly 1957 jyly Qyzylorda qalasynda dúnıege kelgen. Joǵary bilimdi. Fılosofıa ǵylymdarynyń kandıdaty. Ár jyldary qalalyq jáne oblystyq mekemelerde jaýapty qyzmetter atqarǵan. Máselen, 2004-2007 jyldary Qyzylorda qalasy ákiminiń orynbasary. Sońǵy eki shaqyrylymda Qyzylorda qalalyq máslıhatynyń hatshysy bolǵan.
Al «Nur Otan» partıasynyń Almaty qalalyq fılıaly tóraǵasynyń birinshi orynbasary qyzmetine Juldyz Omarbekova keldi. Ol 1983 jyly Almatyda dúnıege kelgen. 2012-2014 jyldary Almaty qalalyq mádenıet basqarmasy basshysynyń orynbasary bolǵan. 2015-2016 jyldary Naýryzbaı aýdany ákiminiń orynbasary qyzmetin atqarǵan. Ol «Baýyrjan» qaıyrymdylyq qorynyń prezıdenti.
«Beıneý-SHymkent» gaz qubyry» JSHS-niń bas dırektory bolyp Serik Estaı taǵaıyndaldy. Ol 1967 jyly 28 qyrkúıekte Ońtústik Qazaqstan oblysynda dúnıege kelgen. Almaty energetıkalyq ınstıtýtyn, Qazaq memlekettik zań akademıasyn támamdaǵan. Tehnıka ǵylymynyń kandıdaty. Eńbek jolyn 1984 jyly «Aýyl sharýashylyq hımıasy» ÓB-te jumysshy bolyp bastady. 1992-1993 jyldary - «Orda» ınvestısıalyq qorynda bas maman. 1993-1995 jyldary «Garant» AQ-nyń Komersıa jónindegi vıse-prezıdenti. 1995 jyly Avtokólik kásipornynda Dırektordyń SHEAB MTJ jónindegi orynbasary. 1995-1996 jyldary «Ýeıkfıld Inspekshen Servıs LTD» JSHS-nyń bas dırektorynyń orynbasary. 1996-1998 jyldary «Shymkentgaz» AQ-nyń satý bóliminiń bastyǵy. 1998-1999 jyldary «Alaýgaz» Almaty fılıalynda bólim bastyǵy. 1999 jyly QR Keden organdarynda Energetıkalyq kedenniń bas ınspektory bolyp jumys istedi. 1999-2000 jyldary Salyq polısıasynyń aǵa ınspektor. 2000-2002 jyldary «Intergaz Ortalyq Azıa» JAQ-nyń Búdjet pen satyp alýdy baqylaý bóliminiń mamany, MTJ departamentiniń 1-sanatty mamany. 2002-2003 jyldary «QazTransGaz» JAQ-nyń Óńirlermen jumys isteý jónindegi basqarmasynyń bastyǵy, Bas dırektordyń orynbasary. 2003 jyly «QazTransGaz» JAQ-nyń Gazdy tasymaldaý jáne marketıń departamenti Gazdy tasymaldaý jáne klırıń bóliminiń bas menedjeri. 2003-2004 jyldary «Intergaz Ortalyq Azıa» JAQ-nyń «Ońtústik» magıstraldyq gaz qubyrlary basqarmasynda dırektordyń jalpy máseleler jónindegi orynbasary. 2004 jyly «QazTransGaz Dıstrıbtúshn» JAQ-ynda bas dırektordyń orynbasary, bas dırektordyń birinshi orynbasary. 2004 jylǵy jeltoqsannan bastap 2007 jylǵy qyrkúıekke deıin - «QazTransGaz Aımaq» AQ-nyń bas dırektory. 2007-2016 jyldary «Intergaz Ortalyq Azıa» AQ-nyń bas dırektory, bas dırektorynyń orynbasary boldy.
