Ekinshi márte Qazaqstan óz tarıhynda bokstan erler komandasyn Olımpıada oıyndaryna tolyq quramda jasaqtady, ıaǵnı Rıoǵa 10 sportshy attanady, - dep habarlaıdy «Qamshy» portaly «QazAqpartqa» silteme jasap.
Ulttyq Olımpıada komıtetiniń málimetine sensek, 1996 jyly Atlantaǵa 8 bokshy er-azamat bardy, 2000 jyly Melbýrnde - 7-ý, 2004 jyly Afınada - 8, 2008 jyly Beıjińde - 10, 2012 jyly London Olımpıadasyna - 9 er boksshymyz qatysty.
Qytaıda ótken bokstan Azıa jáne Muhıt aımaǵy elderi boıynsha Olımpıada oıyndaryna joldama beriletin týrnırde Qazaqstan Rıodaǵy Olımpıadaǵa jeti joldama utyp aldy, onyń birin qyzymyz - Darıǵa Shákimova (75 keli) ıelendi, qalǵan altaýy erlerge tıesili - Oljas Sáttibaev (52 keli), Qaırat Eralıev (56 keli), Abylaıhan Júsipov (64 keli), Jánibek Álimhanuly (75 keli), Ádilbek Nıazymbetov (81 keli), Ivan Dychko (+91 keli).
Buǵan deıin 4 joldama utyp alynǵan edi. Danıar Eleýsinov (69 keli) Dohada ótken álem birinshiliginde jeńip aldy, Vasılıı Levıt (90 keli) - WSB jobasynda, Birjan Jaqypov (49 keli) pen Berik Ábdirahmanovtar (60 keli) -AIBA Pro-Boxing jobasynda lısenzıaǵa ıe boldy.
Osylaısha, Qazaqstannyń erlerden jasaqtalǵan 10 boksshysy men Rıoǵa attanatyn komandasy tolyq jasaqtaldy.
Qalǵan 52 jáne 60 kelige deıingi salmaq dárejelerindegi qyzdardyń joldamasy boıynsha áli de múmkindik bar. 19-27 mamyrda Astanada bokstan álem birinshiligi ótedi. Chempıonatta ár salmaq dárejesinde 4 joldamadan sarapqa salynady.
