Almaty qalasy «Kókjıek» yqsham aýdanynda aýlalarda turǵan kólikterdi tonap júrgen urylar ustaldy, - dep habarlaıdy «Qamshy» portaly Zakon.kz – ke silteme jasap.

«Kókjıek» turǵyndary tańǵa taman aýlada turǵan kólikterdiń kapotyn ashyp, sheship alǵan zattardy Mazda kóligine tıep júrgen úsh jigitti kórip polısıaǵa habarlaǵan. Qońyraý boıynsha kelgen patrúl ekıpajy aýdandy aralap júrip, kúdiktiler mingen kólikti toqtatady. Kólik ishinde júrgizýshiden basqa úsh jigit bolǵan. Polıseılerge kólik júrgizýshi á degennen óziniń taksıshi ekenin, úsh jigitti kók bazardan osynda alyp kelgenin, qazmet aqysyna 9 myń teńge alýǵa keliskenin aıtady. Alaıda, júrgizýshiniń bul sózine kóliktiń memlekettik nómiriniń bir bóligi qolǵappen búrkelgenine qarap polıseıler kúdikpen qarap otyr.

Ustalǵan kóliktiń júk salǵyshynan mashınanyń 4 akýmýlátory, 2 valúmetr jáne Mersedes-Bens kóliginiń 2 qozǵaltqysh basqarý blogy tabyldy. Polıseıler urylar ustalǵan aýmaqtan tonalǵan kólikterdi de anyqtady.

Ustalǵan tórteý Jetisý aýdandyq ishki ister basqarmasyna jetkzildi.