Premer-mınıstrdiń orynbasary Darıǵa Nazarbaevanyń 2018-2019 oqý jylynda 9-10 synypqa deıin oqyǵan mektep túlekteri aǵylshyntildi bolady degen sózi qoǵamda teris pikir týǵyzyp otyr. Úsh jyldyń ishinde mundaı ózgeris bolýy aqylǵa syımaıdy. 25 jylda memlekettik tildi úıretip bárine sińire almaı otyrǵanda aǵylshyn tili aspanda ǵoı.

Eń aldymen onyń materıaldyq bazasy joq. Materıaldyq bazany qalyptastyrýǵa (muǵalimderdi jappaı aǵylshyn tilinde saýattandyrýǵa, aǵylshyn tilindegi metodıkany jergilikti jerge beıimdeýge, oqý-metodıkalyq ádisteme quraldaryn jasap shyǵýǵa) orasan qarajat qajet. Ekonomıkanyń qazirgi qaıyrshylyq hálinde ony júzege asyrý múmkin emes.

Onyń ústine aǵylshyn tilin sabaq beretindeı jetik biletin matematık, fızık muǵalimderdi qaıdan tabasyz? Oılanbaı sóılengen sóz orǵa jyǵady. «Aǵylshyn tilin bilmediń, úırenýiń nashar» dep dırektorǵa jaqpaǵan muǵalimderdi qýdalaýdyń kókesi sonda bolady. Sondyqtan aǵylshyn tilinen buryn aldymen búkil álemdik tájirıbege sáıkes balany ana tilin, memlekettik tildi jetik meńgerýine kúsh salynǵany jón!

P.S. Mektep bitirip, tabıǵatynan santehnık, slesar, usta, qurylysshy, malshy, qarapaıym jumysshy bolatyn jastarǵa aǵylshyn tiliniń ne qajeti bar? Bul talap kóptegen balalardyń matematıka, fızıka pánderin aǵylshyn tilinde oqı almaýynyń saldarynan 7-8 synyptan mektepti tastap ketýin údetedi. Nadan býyn – máńgúrt halyqtyń negizi.

Marat Toqashbaevtyń «Feısbýktegi» paraqshasynan alyndy.