Prodúser Baıan Esentaeva ánshi Tóreǵalı Tóreáliniń ákesi hám prodúseri Tóreáli Tólepke syn aıtty. Tóreáli Tólep buǵan deıin «El aýzynda» baǵdarlamasyna qatysyp, onda ánshi Erke Esmahan «Alo» áni arqasynda tanymaldylyqqa ıe boldy degen oı aıtqan edi, - dep habarlaıdy «Qamshy» portaly NUR.KZ – ke silteme jasap.

Baıan óz paraqshasynda Tóreǵalıdiń ákesine renjýli ekenin ashyq baıqatqan jazba qaldyrdy.

"Meniń áriptesim Tóreáli ózge ártister úshin jaýapkershilikti tym jıi ózine alǵandy jaqsy kóredi. "Alo" - bul ortaq týyndy. Ándi Tóreǵalı usyndy, al klıp túsirý ıdeıasy meniki, birge oıymyz keremet júzege asty. Erkeniń Tóreǵalı sekildi sahnada jeke án aıtyp júrgenine eki jyl boldy. Ózgeniń eńbegin syılaı bilý kerek dep oılaımyn, qurmetti áriptesim Tóreáli, men de júgeri kúzetip otyrǵan adam emespin. Klıpti 9 mln-nan astam adam qarady, olarǵa ánmen úılesken bul oqıǵa unaıdy, al sizdi klıp túsirgende kórgen eshkim joq. Siz armandap kórmegen klıpke qol jetkizdińiz. Sol sebepti, ortaq eńbekti qurmetteıik. Erke daýysy keremet ánshi, óziniń tabynýshylaryn da jınap úlgergen. Olaı bolmaǵan jaǵdaıda Tóreǵalı oǵan dýet bolyp shyǵý usynysyn jasamas edi. Biz kelisý-kelispeý jaǵyn uzaq oılanǵan edik", - dep jazǵan Baıan.

Baıannyń bul jazbasyna pikir qaldyrǵandardyń deni onyń sózine qosylatynyn jazǵan. Jeli qoldanýshylary "Tóreǵalı Tóreáliniń juldyz aýrýyna shaldyqqanyn" aıtyp, Erkeniń olarmen salystyrǵanda naǵyz daryn ıesi ekenin sóz etken.

Aıta keterligi, jaqynda Baıan Esentaeva Erke men Tóreáliniń "Alo" beınebaıanyna fılm túsiriletinin málimdegen bolatyn. Bul jaıttan keıin eki taraptyń endi ortaq týyndy jasaý-jasamaýy ýaqyttyń enshisinde bolyp otyr.