Mońǵolıa respýblıkasynyń prezıdenti Sahıagaıın Elbegdorj óziniń bes balasynan bólek 23 balany baǵyp otyr, - dep habarlaıdy «Qamshy» portaly pikabu.ru – ǵa silteme jasap.
Aqparat quraldary Mońǵolıa prezıdenti memleket basshylarynyń ishindegi kóp balaly áke ekenin jazýda.
Lvov áskerı ýchılıshesin «Áskerı tilshi» mamandyǵy boıynsha támamdaǵan Sahıagaıın Elbegdorj Dj. Kennedı atyndaǵy Garvard memlekettik basqarý mektebiniń de túlegi. 1963 jyly Mońǵolıanyń Qobda aımaǵy Zereg eldi mekeninde dúnıege kelgen ol 75 jyl memleket basshylyǵynda bolǵan Mońǵolıa halyq partıasyn taıdyrǵan 1990 jylǵy beıbit demokratıalyq tóńkeristiń serkesi boldy. Ár jyldary eki márte Mońǵolıa premer-mınıstri, Uly memlekettik hýral vıse-spıkeri qyzmetin atqardy. Qazirgi laýazymyna 2009 jyly 18 maýsymda saılandy.
Sahıagaıın Elbegdorjdiń kelinshegi Hajıdsýrengıın Bolormaa Lvov memlekettik ýnıversıtetin, AQSH-tyń Vırdjınıa shtatynda ulttyq bıznes jáne tehnologıa kolejin támamdaǵan. "Hope-Cancer-Free" ulttyq qorynyń negizin qalaýshi ári tóraǵasy.
Mońǵolıa – parlamenttik basqarý júıesine ıe respýblıka. Zań shyǵarýshy organy 76 depýtattan turatyn Uly memlekettik hýral atalady. Ol Úkimetti jasaqtaýda da sheshýshi rólge ıe.
