Almatylyq «Qaırat» fýtbol klýbygyń bas bapkeri Aleksandr Borodúk qyzmetinen ketti, - dep habarlaıdy «Qamshy» portaly.

Klýb baspasóz qyzmeti taratqan habarlamada eńbek kelisimi reseılik bapkerdiń bastamasymen toqtatylǵan.

«Klýb basshylyǵy bapkerdi ornynda qaltyrý úshin baryn saldy. Biraq, Aleksandr Borodúk «Qaırattan» ketý týraly sheshiminen aınymady. Klýb bapkerge atqarǵan jumysy úshin rızashylyq bildirip, budan arǵy qyzmetine tabys tileıdi», - delingen klýb taratqan habarlamada.

Borodúktiń ketetini týraly alǵash ret «Qaırat» «Aq jaıyq» komandasynan 1:2 esebimen utylǵannan keıin aıtyla bastaǵan edi.

Esterńizge salsaq, reseılik bapker bul qyzmetke byltyr 28 jeltoqsanda taǵaıyndalyp, onymen jasalǵan kelisim shart merzimi úsh jylǵa josparlanǵan edi.