Myńdaǵan turǵyn el astanasy Reıkávıka kóshelerine shyǵyp, esimi jeksenbi kúni korrýpsıa men uıymdasqan qylmysty zertteý ortalyǵy (Organised Crime and Corruption Reporting Project - OCCRP) medıa toby men Halyqaralyq jýrnalısik zertteýler konsorsıýmy (ICIJ) jáne birneshe álem basylymdary jarıalaǵan tizimge engen premer-mınıstr Sıgmúndúr Gúnnleıgssonnyń otstavkaǵa ketýin talap etýde, - dep habarlaıdy «Qamshy» portaly VVS – ge silteme jasap.

Parlament úıiniń janyna jınalǵan halyq premerdiń otstkavkaǵa ketýin talap etýde. Polısıa ázirge sherýshilerdiń naqty sanyn atamaı otyr. Alaıda, aqparat quraldary ereýilge shyqqandardyń uzyn sany myńnan asatynyn jazýda.

Premer-mınıstr Sıgmúndúr Gúnnleıgssonnyń keshe Channel telearnasyna suhbat berip, «Panama tizimine» bola qyzmetten ketý oıy joqtyǵyn málimdegen edi.

Aqparat quraldary «Panama tizimi» atap ketken atyshýly tizim jeksenbi kúni paıda boldy. Korrýpsıa men uıymdasqan qylmysty zertteý ortalyǵy (Organised Crime and Corruption Reporting Project - OCCRP) medıa toby men Halyqaralyq jýrnalısik zertteýler konsorsıýmy (ICIJ) jáne birneshe álem basylymdary panamalyq Mossack Fonseca zań kompanıasynyń áshkere bolyp ketken qujattaryn jarıalady. Onda ofshorlyq shottarǵa ıe álem elderiniń 20-dan astam qazirgi jáne burynǵy prezıdentteriniń, 200 shaqty laýazymdy tulǵalardyń esimderi atalady. Olardyń qatarynda RF basshysy V. Pýtınniń seriktesteri, Ýkraına prezıdenti P. Poroshenko jáne Qazaqstan Prezıdentiniń jıen nemeresi, Astana qalasy ákiminiń burynǵy orynbasary, kásipker Nuráli Álıev te bar.