Ońtústik Qazaqstan oblysy ákiminiń orynbasary bolyp Jaqyp Quttybekuly Bókenbaev taǵaıyndaldy, - dep habarlaıdy «Qamshy» portaly oblys ákimdiginiń baspasóz qyzmetine silteme jasap.
«Qazaqstan Respýblıkasy Prezıdenti Ákimshiliginiń kelisimi boıynsha Ońtústik Qazaqstan oblysy ákimi Beıbit Atamqulovtyń ókimimen 2016 jyldyń 6 sáýir kúni oblys ákiminiń orynbasary laýazymyna Jaqyp Quttybekuly Bókenbaev taǵaıyndaldy» delingen baspasóz qyzmeti taratqan habarlamada.
Jaqyp Bókenbaev 1969 jyly týǵan, bilimi joǵary, mamandyǵy - ınjener-mehanık, býhgalter-ekonomıst.
Eńbek jolyn Ońtústik Qazaqstan oblysy Shymkent qalasyndaǵy «3-Energoortalyq» AAQ atqarýshy dırektory bolyp bastaǵan. 2002-2005 jyldary «3-Energoortalyq» AAQ bas dırektorynyń birinshi orynbasary jáne bas dırektory, «Túrkistanenergo» AAQ ońaltýdy basqarýshysy jáne atqarýshy dırektory, «Ońtústik Jaryq» JSHS dırektory, «Astana-fınans» AQ dırektorlar Keńesiniń múshesi, «Qazaqstandyq komýnaldyq júıesi» AQ-nyń prezıdenti, «Investment Company Capital Management» JSHS-niń bas dırektory retinde eńbek etken.
2009-2013 jyldary QR Indýstrıa jáne saýda mınıstrligi Ónerkásip komıteti tóraǵasynyń orynbasary, QR Indýstrıa jáne jańa tehnologıalar mınıstrligi Elektr energetıkasyn jáne kómir ónerkásibin damytý departamentiniń dırektory, Elektr energetıkasyn jáne kómir ónerkásibi departamentiniń dırektory, «Kazaqenergosaraptama» AQ elektr energetıkasyn damytý departamentiniń dırektory, «Elektr energetıkasyn damytý jáne energıa únemdeý ınstıtýty (Kazaqenergıasaraptama)» aksıonerlik qoǵamynyń basqarma tóraǵasy bolǵan.
Oblys ákiminiń orynbasary laýazymynda ol turǵyn úı - komýnaldyq sharýashylyq, energetıka, kólik, tabıǵat paıdalaný men tarıf saıasatyn, baılanys jáne komýnıkasıa salalaryna jetekshilik etetin bolady, - dep habarlaıdy OQO ákiminiń baspasóz qyzmeti.
