Qazaqstan Prezıdenti Nursultan Nazarbaev AQSH-ta ótken ıadrolyq qaýipsizdik jónindegi samıt barysynda Barak Obamaǵa syılyq jasady, - dep habarlaıdy «Qamshy» portaly Prezıdenttiń baspasóz hatshysy Dáýren Abaevqa silteme jasap.

Vashıngtondaǵy bas qosýda Elbasy samıt jumysynan basqa 15 shaqty shet memleketter men úkimet basshylarymen kezdesý ótkizgen. Sondaı-aq, Prezıdent N. Nazarbaev AQSH-tyń tanymal saıası jáne qoǵam qaıratkerlerimen de júzdesken.

«Samıt barysynda Nursultan Nazarbaev AQSH basshysy Barak Obamaǵa syılyq jasady. Esterińizde bolsa, 2012 jyly Barak Obama Seýlde ótken samıtte Elbasydan qazaqtyń tumaryn syılyq retinde alǵan bolatyn. Bul joly Nursultan Ábishuly oǵan sımvolıkalyq maǵynasy zor syılyq – qazaq sýretshisi, halyqaralyq antıadrolyq qozǵalystyń belsendi múshesi, ATOM jobasynyń qurmetti elshisi Káripbek Kúıikov salǵan «Jarylys» kartınasyn syıǵa tartty», - deıdi Dáýren Abaev.