Astanada Esil ózeniniń sol jaǵalaýyna sý jaıylýda, - dep habarlaıdy «Qamshy» portaly.

Bas qaladaǵy Syǵanaq kóshesin sý alyp ketkeni týraly habar búgin saǵat 10.45-te túskenin habarlady QR İİM TJK-nyń resmı ókili Rýslan Imanqulov.

«Oqıǵa ornyna jetken arnaıy mamandar AstanaVipProject qurylys kompanıasy júrgizip jatqan jumystar kezinde tıisti talaptar buzylǵany anyqtaldy. Sonyń saldarynan Kishi Taldykól kóliniń sýy kabel arnasyna ketip, Syǵanaq kóshesindegi joldyń ústine shyqqan. Sý 300 metrge jýyq joldyń betine kóterilgen. Tereńdigi 20 santımetrge jetti. Qalanyń shuǵyl qyzmetteri jedel áreket etti», - deıdi ol.

Oryn alǵan qolaısyzdyqty joıý úshin «Astana Tazalyq» mekemesiniń, qurylys kompanıasynyń jáne Astana qalasy TJD-nyń 21 tehnıkasy jumyldyrylǵan.